منتدى الفرح المسيحى - لو يوم أحس إنك بعيد عني هناك في السما

https://upload.chjoy.com/do.php?img=194093

لو يوم أحس إنك بعيد
عني هناك في السما
وانسى كلامك الأكيد
إنك معايا ربّي هِنا
ألاقيك تجي عندي قريب
تملا كل حياتي هَنا

وتفضل إنت زي ما انت
أمين في وعودك
تحمي وترفع وتفيض عليَّ
بخيرك وجودك
حاسس حنانك شايف رعايتك
لامس وُجودك

لو يوم بيملا حياتي الخوف
ويضيع مِن قلبي السلام
وانسى كلامك العطوف
إنك معايا طول الأيام
ألاقيك جنبي تطمّن قلبي
وعلى ذراعك ربي بانام

لو يوم أحس بغدر صديق
ينزف قلبي جراح
وانسى كلامك إنك طريق
خير وحياه وأفراح
تجي وتشفي القلب وتعصب
تطرد من قلبي الأتراح