منتدى الفرح المسيحى - مين اللى الرب يسوع اتولد عشانهم

لو سألت نفسك: مين مهم بالنسبالك؟
مين اللي هتهتم بشكلك وصورتك قدامهم؟
مين اللي مستعد تضحي علشانه؟

هتلاقي نفسك بتحط أغلى ناس عندك، المهمين ليك،
اللي دايمًا بييجوا في أول الليستة (القائمة) بالنسبالك.

عارف مين في أول الليستة عند الربّ يسوع؟ المنبوذين.
الربّ يسوع اتولِد علشان المنبوذين:
اللي المجتمع رافضهم.
اللي مقاييس العالم للجمال والغنى
والعظمة ما بتنطبقش عليهم.
المنسيين من الناس، المتداسين.

اتولِد علشان السامرية اللي كانت جعانة للحب وجريت
ورا العلاقات، وعلشان الأبرص المنبوذ من المجتمع والدين.

اتولِد علشان الفقراء والصيادين، العشارين، الخطاة.
اتولِد علشاني وعلشانك.

اتولِد علشان يدّينا حب وقيمة،
علشان يرفعنا ويشبعنا ويضُمّنا ليه.
"«رُوحُ الرَّبِّ عَلَيَّ، لأَنَّهُ مَسَحَنِي لأُبَشِّرَ الْمَسَاكِينَ،
أَرْسَلَنِي لأَشْفِيَ الْمُنْكَسِرِي الْقُلُوبِ،
لأُنَادِيَ لِلْمَأْسُورِينَ بِالإِطْلاَقِ ولِلْعُمْيِ بِالْبَصَرِ،
وَأُرْسِلَ الْمُنْسَحِقِينَ فِي الْحُرِّيَّةِ،" (لو 4: 18).