منتدى الفرح المسيحى

لمّا المجوس وصلوا للمكان اللي فيه الربّ يسوع
قدّموا له هدايا. الكتاب المقدّس بيقول:
"وَأَتَوْا إِلَى الْبَيْتِ، وَرَأَوْا الصَّبِيَّ مَعَ مَرْيَمَ أُمِّهِ.
فَخَرُّوا وَسَجَدُوا لَهُ. ثُمَّ فَتَحُوا كُنُوزَهُمْ وَقَدَّمُوا لَهُ هَدَايَا:
ذَهَبًا وَلُبَانًا وَمُرًّا." (مت 2: 11).

إيه اللي خلاهم يسجدوا لطفل؟!
ده علشان من الأوّل خالص هما شافوا نجم في السما.
في علمهم، النجم ده بيدُلّ على إن فيه مَلِك اتولِد.

"قَائِلِينَ: «أَيْنَ هُوَ الْمَوْلُودُ مَلِكُ الْيَهُودِ؟
فَإِنَّنَا رَأَيْنَا نَجْمَهُ فِي الْمَشْرِقِ وَأَتَيْنَا لِنَسْجُدَ لَهُ»." (مت 2: 2).

ومن ضمن الهدايا دي كانت دهب،
الدهب ده اللي بيتقدّم للملوك.

الربّ يسوع اتولِد مَلِك، وهو مَلِك الملوك، بس هو
مش مَلِك أرضي ولا سياسي ولا عايز يسيطر على ناس.

هو عايز يملُك على القلوب الضعيفة والمكسورة والمقيَّدة،
يحرّرها ويرفعها ويشفي وجعها. المَلِك ده اتولِد
في أبسط مكان ومدينة، لكن لحد دلوقتي اسمها مرتبط بالخالق:
"وَأَنْتِ يَا بَيْتَ لَحْمٍ، أَرْضَ يَهُوذَا لَسْتِ الصُّغْرَى بَيْنَ رُؤَسَاءِ يَهُوذَا،
لأَنْ مِنْكِ يَخْرُجُ مُدَبِّرٌ يَرْعَى شَعْبِي إِسْرَائِيلَ»." (مت 2: 6).

هو بيدّي كرامة للي بينتمي ليه. هو مَلِك الملوك
اللي قِيَمه بتختلف عن كل قِيَم ومقاييس العالم للمَلِك وللغنى.

أوّل خطوة في طريق استردادك لنفسك هي إنك تقبل
إن يسوع المولود يكون مَلِك على حياتك.