منتدى الفرح المسيحى - هل الكلام ممكن يشفى

عمرك حسيت قبل كده إن في كلام ممكن تسمعه
يرفعك لسابع سما، وكلام تاني ممكن يحبطك؟
دي "لغة الحب بالكلام"؛ بيفرق معايا فيها أوي الكلام،
سواء مدح لشخصي، أو تشجيع إني أعمل حاجة،
أو كلمة "برافو" بعد مجهود عملته. وعشان كده،
من الطرق المثالية في التربية إني أشجع بالكلام،
وأقول "براڤو" على المجهود اللي اتعمل مش النتيجة بس.
مش معنى كده إن في ناس مش بيفرق معاها الكلام؛
الكل من حقه يسمع كلام حلو، ولكن في ناس
الحب مش هيوصلها غير "باللهجة" دي.
لو جوايا حب ومعرفتش أديه لولادي أو شريك حياتي
أو صحابي بلغتهم، هيضيع وقت طويل أوي
قبل ما يدركوا إني فعلاً بحبهم.
مهم قوي كمان إن الكلام يكون حقيقي،
المجاملة الكدابة مردودها عكسي.
لو اكتشفت إن الحب هيوصلهم بالكلام،
لازم أوصله بطريقتهم؛ لأن وقتها فعلاً الكلام
هيشفي وجعهم، لأنه بمثابة دليل حيّ على الحب