منتدى الفرح المسيحى - لما تكون مخلص في قلبك وصادق في وعودك ربنا هيخليك زي الجبل

المزمور الخامس عشر ( ١٥ )
ده بيعرفنا إيه هي مواصفات الإنسان
اللي يقدر يدخل حضرة ربنا ويتمتع بجماله،
وإزاي التقوى بتبان في تعاملنا مع الناس.
يلا بينا ندخل لعمق المزمور.....

داود النبي بيبدأ بسؤال لربنا،
وكأنه بيدور على تذكرة دخول لبيت ربنا والسكن معاه 👇🏻
«يا رب، من يسكن في مسكنك؟
ومن يحل في جبل قدسك؟»
(آية 1)

هنا بقى بيجي الرد، إن القرب من ربنا مش كلام وبس
، ده حياة ونقاوة وبر بيبان في كل خطوة 👇🏻
«السالك بلا عيب، والفاعل البر، والمتكلم بالحق في قلبه»
(آية 2)

وداود بيأكد إن اللي بيحب ربنا، لسانه لازم يكون نضيف
، ميعرفش الغش ولا يرضى إن حد يغلط في جاره 👇🏻
«الذي لا يغش بلسانه، ولا يصنع بصاحبه سوءا
، ولا يقبل عارا على جيرانه»
(آية 3)

بعدين بيورينا قيمة الشخص ده،
إنه بيعرف يفرق بين الغلط والصح،
بيحترم اللي بيخافوا ربنا وكلمته سيف على رقبته 👇🏻
«الرذيل مرذول أمامه، ويمجد الذين يتقون الرب
. الذي يحلف لقريبه ولا يغدر»
(آية 4)

وفي الآخر، المزمور بيبين إن الرحمة والأمانة
في الفلوس هي اللي بتبني حياة ثابتة ومستقرة للأبد 👇🏻
«فضته لا يعطيها بالربا، ولا يقبل رشوة على الأبرياء
. الذي يصنع هذا لا يتزعزع إلى الدهر»
(آية 5)

اطمن.. لما تكون مخلص في قلبك، وصادق في وعودك،
ورحيم في تعاملك، ربنا هيخليك زي الجبل،
ثابت في محبته ومسكنه، ومفيش أي حاجة في الدنيا تقدر تهزك.