منتدى الفرح المسيحى - نور فى وسط الضلمة

أوقات بنعدي بلحظات صعبة و بنحس ان كل حاجه حوالينا سوداء
و إن الدنيا ضلمة و بنحس ان دي النهاية،
لكن أحب أقولك إن دي اللحظة اللي الله بيظهر فيها و بيقابلنا.
زي ما حصل من آلاف السنين لشوية رعاة سهرانين في الليل
مش في مكان فاخر، ولا مع ناس كتير،
لكن و هما لوحدهم في الحقل جالهم نور و بشرهم بميلاد المسيح.
وسط التعب، من وسط العتمة النور بييجي.
الليلة اللي تحسي فيها بالوحدة،
الليلة اللي تحسي فيها بالضياع،
ممكن تكون بداية لميلاد حاجه جديد جوه قلبك.