منتدى الفرح المسيحى - السما فجاءه تقولك ابوك حاسس بيك

https://upload.chjoy.com/do.php?img=194083

في عتمه ليل الحياه
وسط كلمات مش عارف توصلها لمين ولا تقولها اذاي
وسط صراخ ودموع محدش عارف يحسه ولا يصدقه
وسط كل كلمه خارجه من قلبك وعمال تقول
اروح فين ولمين يحس بيا
ويشوف كم الوجع اللي أنا حاسس بيه جوه قلبي
ومن كتر البكا والإرهاق تنام مكانك
من غير ماتحس وفجاءه تلاقي شمس ضربت في عينك
وتلاقي الدنيا لسه ضلمه لكنها فجر
وفلحظه ترفع عينك تلاقي شمس البر قصادك يقولك
( لماذا انت ساقط علي وجهك ايها الرجل المحبوب )
فتقوله
أنا محبوب ؟
ده أنا مكروه
منبوذ
متساب
منسي
مذلول
أنا مش عارف حتي اتكلم
علشان كده أنا جاي اقولك
انت في عيني محبوب
ويبقي المنظر المهيب ده ماغيرش الواقع اللي انت عايشه
لكن السما فجاءه تقولك ابوك حاسس بيك
قوم كمل
انا عارف قلبك
عارف غلطك
عارف تفاصيلك
أنا مسئول عنك
ولو مالكش مكان ترتاح فيه
أنا بجهزلك مكان محدش يقدر يخرجك منه
ويبقي لسانك بيقول وقتها كلمه واحده
( قدوس قدوس قدوس )
ودموعك يمسحها التسبيح