منتدى الفرح المسيحى - اللى رزقك بالعلاج قادر يرزق ابنك بالشفا❤️

اللى رزقك بالعلاج قادر يرزق ابنك بالشفا❤️

ربك مابينساش حد اسمع كلامى ...
كنت فى محطة مترو العتبه وبدل ماخرج من اتجاه الباب البحرى خرجت من الاتجاه التانى ، فا لاقيت حد بتاع كتب فارش ، الناس كلها عليها زحمه الا هو ..
لفت انتباهى كام كتاب كنت بدور عليهم من بدرى ومش لاقيهم خالص ..
المهم اختارت حوالى ٥ كتب ..
بكام ياعمنا قالى بكذا $$ ، حاولت افاصل معاه ، لاقيته سابنى وقعد مكانه وبص بعيد ..😒
قولت ايه ده هو فى ايه؟؟🙄
لاقيت اللى قاعد على الفرشه اللى جنبه قالى ، الراجل ده مابعش كتب واحد من اسبوع مافيش جنيه دخل جيبه ، فا هو جابلك من الاخر وباالجمله كمان عشان ابنه عيان وبيلمله فلوس العلاج ..🥺
انا اتحرجت جدا طبعا ، قولتله حقك عليا انا ماقصدش وادى تمن الكتب وعطيتهمله ..
وانا ماشى سمعت صاحبه بيقوله مش قولتلك ربك مابينساش حد ، اهى بيعه بالاسبوع كله اهو واللى رزقك بالعلاج قادر يرزق ابنك بالشفا ..❤️