منتدى الفرح المسيحى - انقذنى من خطر بطريقه عجيبه جدا بحكمته

انقذنى من خطر بطريقه عجيبه جدا بحكمته

حكمة ربنا تفوق الخيال ..
امبارح وانا راجع من الشغل سايق فى جسر السويس ، فا كان فى حفره فا هديت لاقيت عربيه كانت هاتلبس فيا من وره بس الحمدلله ربنا ستر ، الغريب بقى ان الراجل نزل يتخانق معايا ، قولتله عايزنى اكل الحفره طيب؟ وثانيا انا اصلا ماشى براحه عشان الدنيا زحمه ولا عارف ادخل يمين ولا شمال عشان اعدى من الحفره لازم اهدى خالص ، المهم الناس دخلت والموضوع عدى بس عطلنى ربع ساعه ، المشكله بقى مش فى هنا المشكله فى انى لما اتعطلت رجعت البيت لاقيت واحد واخد الركنه بتاعتى ، قبل ماوصل بخمس دقايق لانى شوفته فى الكاميرا ..
اتضايقت قووووى ، فضلت ادور عليه اكتر من ساعه مش لاقيه ، سلمت امرى لله بقى وروحت ركنت فى جراج ورايا..
العجيب بقى فى الموضوع ان انهارده الصبح صحيت على صوت زعيق جامد ، ببص لاقيت الراجل اللى ركن مكانى بيتخانق مع البيت اللى جنبى عشان بيبنو وفى قالب طوب وقع على عربيته كسرله ازاز العربيه. .
طبعت زعلت عليه حاجه الواحد مايتمناش انه يتحط فيها ابدا ، لكن حكمة ربنا هنا عجيبه جدااا
وانقذنى من خطر بطريقه عجيبه جدا بحكمته ..