منتدى الفرح المسيحى - أحلى حاجة ممكن توصلها

أحلى حاجة ممكن توصلها
هي التصالح مع نفسك .......... ومع الأشياء اللي حواليك.

إنك تحب ركنك البعيد ... ومجك المفضل ...
...ولبسك اللي بيريحك

وتحس إن الجماد ده أوفى
من بشر كتير لأنها بتشاركك حكاياتك من غير خيانة.

ومع الوقت والنضج خصوصا بعد التلاتين
هتعرف إن راحتك في كوباية شاي وكيكة مع ناس بتحبهم وتفهمهم

وإن حاضر وتمام هي الكنز اللي بيشتري راحة بالك.

أهم درس هتتعلمه هو إنك ماتسمحش لحد يطفي نورك
أو يهز ثقتك في نفسك تحت مسمى النصيحة.

فيه ناس مريضة بمدرسة( الحتة الناقصة ) مهما عملت وقدمت

هيحسسوك إنك مقصر علشان يفضلوا مسيطرين عليك
ودول لازم تهرب منهم فورا.

العلاقة الحقيقية هي اللي بتقدم الاحتواء
قبل اللوم والتقدير قبل النقد.

اختار دايما الناس اللي بتجملك وتكملك وخليك إنت الباب
اللي دايما مفتوح بالحب والاستيعاب
مش المحكمة اللي بتدور على الغلطات.