منتدى الفرح المسيحى - رجّع لنا نفسنا من غير ما ترجعنا للألم

عوّضنا يا رب عن الطيبة اللي استهلكناها في غير مكانها،
عن النور اللي كان جوانا واتطفى من كتر الخذلان،
عن النسخة الحلوة مننا اللي اتجرحت فبقت أهدى… وأكتر حذر.

عوّضنا عن القلوب اللي كانت بتصدق بسرعة،
وعن الأحلام اللي اتكسرت قبل ما تكبر،
وعن الفرح اللي كنا بنخاف نفرح بيه لا يضيع.

رجّع لنا نفسنا من غير ما ترجعنا للألم،
ونضّف جوانا من أثر اللي خيّب،
وخلي العوض مش مجرد تعويض…
خليه شفاء، وراحة، ونور أقوى من الأول.