منتدى الفرح المسيحى - في قلوب كتير حوالينا صوتها اتحبس جواها

في قلوب كتير حوالينا صوتها اتحبس جواها..
ناس كانت بتحكي وتفضفض وتضحك..
وفجأة بقى الكلام تقيل عليها.
ناس بقت الرسالة اللي مش بيردّوا عليها مش عن تجاهل
.. لكن عن إنهم مش قادرين يواجهوا حتى نفسهم.
ناس ساكنة في صمت عميق..
صمت مليان جروح مكبوتة وخيبات محصلش حد فهمها..
ناس فقدت شغفها.. فقدت رغبتها في الحكي..
فقدت حتى قدرتها تصلي زي زمان.
مش لأنهم ابتعدوا عن ربنا.. لكن لأن الألم شدّهم لتحت
لدرجة إن النفس نفسها مش قادرة تتنفس.
تعالوا نصلي لهم..
يا رب.. المس قلوب اللي ساكتين..
اللي عايشين في عزلة جوة الزحمة..
اللي محدش واخد باله من صراعهم لأنهم “ماقالوش”.
إملَي فراغهم بحضورك..
وإشفي جروحهم اللي سكتوا عنها خوفًا أو خجلًا..
ورجع ليهم صوتهم.. رجّع ليهم شغفهم..
ولما يعجز لسانهم.. خلي روحك تنطق عنهم.
يا رب.. انقذ الصامتين قبل ما صمتهم يكتمهم.