منتدى الفرح المسيحى - اسند يا رب القلوب اللي بتتعايش غصب عنها

اسند يا رب القلوب اللي بتتعايش غصب عنها
مع واقع مش شبِه اللي تمنّوه..
النفوس اللي كل يوم بتفوق على حاجة مش راغبينها..
بس بيكمّلوا لأنهم مابيقدروش يوقفوا.
اسند اللي اتعلّموا يتأقلموا بدل ما يعيشوا..
واللي ابتسامتهم بقت ستارة مُعلّقة على وجع محدّش سامع صوته..
واللي بيقولوا “تمام” وهما من جوّا مش قادرين يكملوا خطوة.
قوّيهم.. واطمّنهم..
وادّيهم إحساس إنك شايف تفاصيلهم
ومسك إيديهم في اللي مش على هواهم.
ولما ييجي وقت التعويض.. عوّضهم بزيادة عن اللي تمنّوه.