منتدى الفرح المسيحى - ليه الدموع سايقة روحها كده

ليه الدموع سايقة روحها كده؟
يمكن علشان التعب ماسكك من كل ناحية
ومش لاقي حتى كلمة ترتاح فيها.

وإنت واقف قدّامه بتقوله: “تعبان.”
يسألك: “افتكرت إني سبتك؟!”
وتجاوبه: “مش شايفك.. خلّيني أشوفك.”

وهو—من غير ما تحس—يقرب.
يمسح غشاوة قلبك قبل عينك، ويفتحلك منظر وجوده
اللي عمره ما غاب،
بس انت اللي اتجرّحت لدرجة إنك مبقتش شايف.

هتشوفه..
ويمكن أول حاجة تشوفها هي إنك عمرك ما كنت لوحدك.