منتدى الفرح المسيحى - لما ترفع عينك لفوق هتنور مهما كانت العتمة تقيلة

ساعات الذكريات بتسحبك لحتة ضلمة..
لحظة تفكر فيها ترجع تتوجع، ويتهيألك إنك رجعت لنقطة الصفر..
بس بعدها بثواني تلاقي روحك بتزحف على الصلاة.
. كأن قلبك بيقولك: “ارجع له.. هو الوحيد اللي هيطفي النار جواك.”
فتقفل عينك.. وتتنهد.. وتتكلم معاه بكلمتين مهزوزين..
وتلاقي نور صغير بيولّع جواك من جديد..
نور يذكّرك إن فوق كل الألم في إيد ماسكاك،
وفي حضن مستنيك، وفي قوة بترجعك تاني للحياة.
تفتكر.. وتتضايق.. وتنطفي..
لكن لما ترفع عينك لفوق هتنور مهما كانت العتمة تقيلة.