منتدى الفرح المسيحى - ربنا مايسيبكش في نص الحكاية

هو وحده يعرف يلمّ شتات قلبك بعدما اتكسرت توقعاتك..
يعرف يشيل من جواك مرارة الخيبة اللي صدّقتها..
اللي كنت فاكرها باب خلاص واتضح إنها باب وجع.
يمكن أنت حاسس إنك اديت كل طاقتك لحاجة ماستاهلتش..
وإن اللي كنت شايفه أمل، طلع مجرد سراب شدّك لحد ما وقعت.
بس ربنا مايسيبكش في نص الحكاية..
يدخل يمسح أثر الخيبة.. ويخلق جوانا نظرة جديدة،
نظرة فيها نور.. وفيها رجوع لليده اللي عمرها ما خيّبت حد.
هتكتشف بعد وقت إن كل اللي وقع منك،
كان بيقربك من اللي ينقذك..
وإن الشفاء الحقيقي مش من الحدث اللي كسر قلبك..
لكن من الإيد اللي مسكتك بعد ما وقعت.