منتدى الفرح المسيحى - اللي بيثبّت الشمس في مكانها مش صعب عليه يثبّتك

لما هباته مابتنتهيش..
ولما رحمته بتصحّيك كل يوم من غير ما تطلب..
يبقى أكيد اللي وقع منك هيرجع..
واللي اتأخر هيلحقك.. واللي حسّيته بيبعد هيرجع يمشي ناحيتك تاني
ربنا مش بيجدّد الصبح بس.. ده بيجدّدك إنت..
بيجدّد الحلم اللي وقّعك.. والطريق اللي ضاع.. والقلب اللي تعب من كتر المحاولات.
في كل بداية يوم.. في نَفَس جديد..
في فرصة معمولة مخصوص ليك..
ما تتفاجئش لما تلاقي باب اتفتح فجأة.. أو فكرة صحّتك من بعيد
.. أو طريق بيرجع ينوّر بعد ما كنت فاكر إنه انتهى
لأن اللي بيثبّت الشمس في مكانها.. مش صعب عليه يثبّتك.