منتدى الفرح المسيحى - إدّيني يا رب قلب يفهم

https://upload.chjoy.com/uploads/171570987433441.jpg
إدّيني يا رب قلب يفهم ..
يفهم يعني أقدّملك أغلى اللي جوّه روحي من غير خوف ولا تردد..
علّمني أحط عند رجليك كل اللي كبّر وجعي.. كل اللي هزّ كياني..
كل اللي خبّيته عن الناس ومقدرتش أخبيه عنك.
علّمني أرمي قدّامك دموع افتكرت زمان إنها ضعف..
وأقدّم لك كسري اللي وجعني.. وخوفي اللي سهّره الليل..
وأسيبك تلمّ من الأرض حاجات اتكسرت مني بإيديا.
قدّامك بس بياخد الحزن معنى.. وبتتحوّل الدموع لبداية جديدة..
علّمني أسيب كل اللي أبكاني عندك.. وأطلع خفيف.
.