منتدى الفرح المسيحى - الشهرة مش رسالة بس النفس رسالة غالية أوى

https://upload.chjoy.com/uploads/176094433371781.jpg

خليك_خادم_واعى
في زمن السوشيال ميديا..كلنا بقينا نحب الصورة
اللي شكلها حلو..
صورة خادم ناجح..
مؤثر..
محبوب..
الناس محتاجة له..
وكل حاجة ماشية زى الفل..

لكن الحقيقة إن في خدام كتير بقوا بيخدموا شخصيتهم الرقمية..
مش بيخدموا أولاد ربنا..
لما يهمّك انطباع الناس أكتر من خلاص نفوسهم..
انت كده بتحول الخدمة من "تقدمة" لـ "منصة"..

الخادم الواعي يسأل نفسه سؤال واحد:
لو محدش شاف اللي بعمله هل هكمل؟
لو الإجابة "آه"..
يبقى أنت بتخدم المسيح..
لو الإجابة "مش عارف"..
يبقى في حاجة محتاجة تتراجع جوه القلب..
خليك خادم واعي واعرف أن الشهرة مش رسالة..
بس النفس..رسالة غالية أوى..