منتدى الفرح المسيحى - ده في جوعي لقاني محتاج له ناداني وبروحه ملاني أفرح وياه

https://upload.chjoy.com/uploads/176581234616021.jpg

ده في جوعي لقاني محتاج له
ناداني وبروحه ملاني أفرح وياه
وفي ضيق وهموم ده سلامه يدوم
والضعف معاه أنا باتحداه

لما سمعني بائن رفعني خدني في حضنه بحب شديد
لما نظرت في عينه لقيتني ساكن فيها بوعد أكيد
كاشف قلبي لامس تعبي عارف دمعي وبيمحيه
لو هاتألم هافضل أسلم عمري عشان هو بيحميه

آجي بخوفي في حضنه الدافي وانسى معاه هم الأيام
وعده يسود على كل حياتي يشبع عمري بخير وسلام
يهمس لي بإنه راعي وألقى إيديه تسبق ترعاني
لا بيهملني في يوم ويسيبني مش ممكن أبداً ينساني