منتدى الفرح المسيحى - فقر قلة التدبير

مش دايما الفقر قلة موارد ، لكن قلة تدبير ..
و العشوائية في الصرف هى أقصر طريق للفقر..

١-انك تشترى اللي انت عاوزه مش اللى انت محتاجه ..
اللي انت عاوزه ممكن تستغنى عنه أو تؤجله ،
و اللي انت محتاجه يبقى ما بين ضرورى "جدا" تشتريه الآن
، و ضرورى "بس"
، برضه يؤجل شوية .

٢-الصرف علي الأكل من برّه لمجرد انه "مزاج"

٣-اشتراك في منصات أو مواقع و انت مش ح تستخدمها

٤-الخروجات المتكررة مع الاصحاب "و الصرف أمامهم ببذخ".

٥-طلب حاجات Online لمجرد ان "سعرهم بسيط" مش لاحتياجك لهم.

٦- شراء ملابس أو مقتنيات بشكل مبالغ فيه لمجرد المظهرية ..

ستكتشف إن "الحاجات البسيطة" هي اللي كانت بتسرق دخلك .

و لما تصرف من غير تدبير، بتتحمل نتائج قرارات ماخدتهاش بتأنى ..

الحل : قبل ما تصرف اسأل نفسك سؤالين :

١-هل فعلًا لازم اشترى دلوقتي؟
و لو مش هشتري هل حياتي هتتأثر؟

٢-ده احتياج ولا مجرد مزاج؟

و تذكر ان من يشتري ما لا يحتاج ، قد يضطر غدا ان يبيع ما يحتاج ..