منتدى الفرح المسيحى - طبطب بإيدك على قلب مكسور ومش لاقي وصف لحكايته

••• في قلوب ماشافتش حد.. ولا لقت حضن يطمنها..
وفي ناس سايبين وجعهم ساكت..
ومش قادرين يشرحوا حتى لنفسهم هما مالهم.

بس انت يا رب..
العليم بخبايا الروح..
اللي فاهم ارتجافة القلب قبل ما تُسمَع..
واللي شايف الجرح اللي محدّش لمح أثره.

طبطب بإيدك اللي عمرها ما خيّبت حد..
على قلب مكسور ومش لاقي وصف لحكايته..
على حدّ بيقول “أنا مش فاهمني”
لكن انت.. انت الوحيد اللي فاهمه.
لمّ شتاته..
وهدّي خوفه..
واملاه من سلامك اللي مابيتهزش.