منتدى الفرح المسيحى - سيبتلك الكل يا رب

• تركتُ بين يديك يا رب كل شيء..
كل الحيرة اللي مش عارف أشرحها لحد،
وكل التشتت اللي بيخليني مش قادر أكمّل خطوة لقدام..
تركتلك القرارات اللي مش عارف أخدها،
والأماني اللي مش عارف هي ليا ولا لأ..
تركتلك الناس اللي مش فاهم وجودهم في حياتي،
والأحداث اللي مش فاهم ليه بتحصللي..
يمكن أنا تايه، لكن واثق إنك إنت اللي ماسك الطريق.
يمكن أنا مش شايف النور، بس مصدّق إنك إنت النور.
يمكن أنا مليان خوف، بس حاطط خوفي في إيدك،
لأن إيدك عمرها ما رمت حد وقع فيها.
سيبتلك الكل يا رب.. لأن اللي بيحط أموره بين إيديك،
بيتبدّل قلبه بسلامك. 🤍