منتدى الفرح المسيحى - مش كل إنسان محتاج حل في ناس محتاجة حضن

https://upload.chjoy.com/uploads/17652662845181.jpg

الحضن مش مجرد تلامس جسدي، ده لغة عميقة ماتتوصفش.
الحضن رسالة بتوصل للقلب أسرع من أي كلام:
إنت آمن، إنت مقبول، إنت مش لوحدك.

نفسيًا الحضن بيهدي الاضطراب
، يطمن القلب من الخوف، ويرمم الإحساس بالرفض
، كأنه بيعيد ضبط المصنع للقلب بعد وجع طويل.
عشان كده في لحظات الانكسار
، حضن صادق ممكن يعمل اللي ما تعملوش آلاف النصايح.

روحيًا الحضن هو أقرب صورة لأسلوب ربنا مع الإنسان
؛ ربنا ماواجهش الوجع بالكلام أولاً
، لكن واجهه بالحضور. حضن ربنا معناه محبة تسبق الإصلاح،
وقبول بييجي قبل التغيير.
زي الطفل اللي يرجع وهو عامل عملة،
أول حاجة يستقبلها مش تحقيق ولا عتاب… حضن.

الأحضان أنواع:
فيه حضن أمان يقولك ان مكانك محفوظ،
وحضن تاني يطمنك بعد الوجع
ويشيل الدموع من غير استعجال،
وفيه حضن احتواء يفهم الضعف من غير ما يحكم او يدين،
وحضن تاني بيبقى شبه علاج، بيشفيك من مجرد لمسة.

مش كل إنسان محتاج حل… في ناس محتاجة حضن.
واللي بيحضن، بيشبه ربنا من غير ما يتكلم.