منتدى الفرح المسيحى - يا رب اجعل ٢٠٢٦ مش مجرد سنة جديدة

يا رب… اجعل ٢٠٢٦ مش مجرد سنة جديدة،
لكن صفحة سماوية مليانة أحداث تُكتب بحروف نور.

خليها سنة تُذكر…
سنة يتقال عنها: “هنا حصلت النقلة… هنا اتولدت الحياة من جديد.”
سنة يُشهد فيها على معجزة ماحدش يقدر ينكرها،
وفرح يشق الضلمة،
وبداية تخلق من قلبي إنسان مختلف.

اصنع منها عام للذكرى…
عام يتحوّل فيه الانتظار لتكميل،
والصلوات لإستجابة،
والأحلام لحقيقة عايشة.

خلّي ٢٠٢٦ تبقى نقطة التحول،
وتاريخ جديد لحياتي يبدأ بإيدك…
ويمتلي بخيرك…
وينتهي بفرح ما يتنسيش.