منتدى الفرح المسيحى - أحببتُّ خالقي اللي بيشوف أعماقي من غير ما أشرح

• أحببتُّ خالقي اللي بيشوف أعماقي من غير ما أشرح..
اللي أول ما يلمح كسرة جوايا، يمد إيده يرمم قبل ما حتى أطلب..
اللي بيحتوي انهياري الداخلي كأنه بيلم طفل خايف..
وبيستر ارتباكي قدّام الناس كأنه بيغطّي عليّ بضل جناحه.
أنا عرفت إله ما بيحرجش الضعيف..
ما بيكشفش اللي جوّه قلبي قدام حد..
إله كل ما أبان ثابت قدّام الدنيا، وهو شايف رعشتي من جوّه،
يقرب ويقولي: «ما تخافش.. أنا سامع نبضك قبل كلامك».
إله يبص على الفوضى اللي جوايا من غير ما يحاسب..
يفهم الدمعة اللي مش عارف تنزل ولا أقولها..
ويسند روحي المكسورة كأنها كنز لازم يتصان.
أحببتُّ ربنا اللي دايمًا بيقابل هشاشتي بمحبة..
وبيرمّم اللي اتكسر جوايا من غير ما يوجّعني..
واللي مهما تظاهرت بالثبات،
يعرف الحقيقة ويحبّني أكتر.