منتدى الفرح المسيحى - الشِدّة يا رب قصرت الطريق

الشِدّة يا رب قصرت الطريق.
. وخلّتني أفرز الناس من غير ما أقصد..
خلّتني أشوف مين اللي فضل ماسك في إيدي..
ومين أول ما الدنيا هزّتني ساب.

اتعلمت إن المحنة بتكشف..
بتعرّي القلوب..
وبتورّي الحقيقة اللي كنا مش شايفينها.

ومن يومها بقيت أحط الناس في درجات..
درجة اللي حضن وجعي..
ودرجة اللي فهم من غير ما أشرح..
ودرجة اللي اختفى لما كنت محتاجه.

والعجيب.. إن كل ده كان خير..
علّمني أقدّر اللي يستاهل..
وأبعد من غير ندم..
وأقرب لناس قلوبها شبه السماء.