منتدى الفرح المسيحى - اشفيني من جوة

يا ربى يسوع..
في جرح قديم لسه واقف بيني وبين ناس بحبهم..
جرح كل ما أشوف الشخص اللي وجعني..يصحى تاني..
وكأنه بيقولي إن قلبي لسه ما اتشافاش..
يا رب ارفع عني الخوف اللي بيرجعني لورا..
واكسر السور اللي الألم بناه جوايا..
علّمني أشوف الشخص مش الجرح..
وأشوف الحقيقة مش الذكرى اللي وجعتني..
إلمس الأماكن اللي محدش عرف يلمسها..
وإديني قدرة أسامح..
مش لأن اللي حصل كان سهل..
لكن لأنك أنت الوحيد اللي بتقدر تشيل التقيل..
اشفيني من جوة..
علشان أعرف أحب من تاني..
من غير ما أتهز من الماضي..
آمين..