منتدى الفرح المسيحى - ظل الموت ما يخوفنيش طول ما انا سامع الصوت

https://upload.chjoy.com/uploads/174983040987791.jpg

ان عشنا للرب نعيش ان متنا للرب نموت
ظل الموت ما يخوفنيش طول ما انا سامع الصوت
انت ابني وحبيبي وهبت لك الملكوت

- مهما كان ضيق السنين والحروب والآلامات
حِب اعدائك المسيئين واغفر ليهم الزلات
انت ابني وحبيبي مكانك فوق في السموات

- المحبة سلاحك على مر الأزمان
خليك زي أجدادك دوس دايماً على الشيطان
انت ابني وحبيبي أعطيتك هذا السلطان

- انت نور وسط الظلام مصدر نورك المسيح
بلسم في وقت الخصام رغم الإهانة والتجريح
انت إبني وحبيبي حياتك صلاة وتسبيح

- تعالى زي ما انت وتوب وارجع تاني لحضن ابوك
وسيبك بقى من الخرنوب واياك تشتري اللي باعوك
انت ابني وحبيبي مهما الناس عني بعدوك

- الخطية ما تبعدنيش أبداً عنك يا يسوع
من قلبي باقول ما تسبنيش أخطيت معترف بدموع
دا انت أبويا وحبيبي بأقولها بصوت مسموع