منتدى الفرح المسيحى - عشان تقدر تقول كنت اعمى والان ابصر ❤️❤️🙏🏻

" إِنَّمَا أَعْلَمُ شَيْئًا وَاحِدًا: أَنِّي كُنْتُ أَعْمَى وَالآنَ أُبْصِرُ." (يو 9: 25).

الآيه دي قالها المولود اعمى للفريسيين
لما سألوه عن مين فتح عينيه وابتدوا يفتحوا معاه تحقيق وكلام كتير.

اوقات كتير بعيشها وكلنا حقيقي بنعيشها
ببقى في تجربة صعبة أو حلم ضاع مني
او حتى واقع في خسارة كبيرة
صحيح بزعل وبعاتب ربنا اوقات
لكن بعدها بشوف ايده
وبشوف ان اللي حصل ده لخيري
بشوف نوره بينور عينيا ويقولي متزعلش انا معاك
ف بفرح واضحك والاقي سلام مالي القلب
شوفت ربنا بتجربة
بقرصة ودن .. بخسارة .. بأي شكل
مش مهم
متألم .. موجوع
برضوا مش مهم
المهم اني حاسس بوجود ربنا وايده
المهم
اني حاسس اني كنت اعمى عنه وناسيه
ودلوقت أبصر عمله ووجوده في حياتي ❤️
حتى لو كان عمله من خلال السماح بتجربة معينة

ف اوعى تزعل او تضايق يا صديقي
وحاول تشوف ربنا حتى ف قلب الضيقة عشان تقدر تقول
كنت اعمى والان ابصر ❤️❤️🙏🏻