منتدى الفرح المسيحى - خليني لما أبص في المراية أشوف ابنك المحبوب

منتدى الفرح المسيحى (https://www.chjoy.com/vb/index.php)

- قسم الرب يسوع المسيح الراعى الصالح (https://www.chjoy.com/vb/forumdisplay.php?f=17)

- - خليني لما أبص في المراية أشوف ابنك المحبوب (https://www.chjoy.com/vb/showthread.php?t=1160022)

خليني لما أبص في المراية أشوف ابنك المحبوب

يا إلهى يسوع..
من كتر همّ الحياة..
ومن كتر الزحمة اللي جوايا..
بقيت أقف قدام المراية ومش بلاقي نفسي..
الملامح هي هي..
بس الروح تعبت والقلب متلخبط..
حاسس إني توهت بين المشاكل والمسؤوليات..
وخايف من اللحظة اللي ماعرفش فيها أنا مين..
ولا رايح فين..

رجعني يا رب..
ورجعلي هدوئي ونظرتي وقلبي اللي كان بيصدقك بسهولة..
اغسل عني غبار السنين اللي كسرتنى..
وامسح بإيدك كل أثر لخوف أو تعب..
خليني لما أبص في المراية..
أشوف ابنك المحبوب..
أشوف نعمتك..
مش خوفي..
أشوف صورتك اللي بتتجدد جوايا يوم بعد يوم..

رد: خليني لما أبص في المراية أشوف ابنك المحبوب

خليني لما أبص في المراية..
أشوف ابنك المحبوب..
أشوف نعمتك..
مش خوفي..
أشوف صورتك اللي بتتجدد جوايا يوم بعد يوم..

مشاركة معزية
ربنا يباركك