منتدى الفرح المسيحى - أنا جاي أطلبك أنت

منتدى الفرح المسيحى (https://www.chjoy.com/vb/index.php)

- قسم الرب يسوع المسيح الراعى الصالح (https://www.chjoy.com/vb/forumdisplay.php?f=17)

- - أنا جاي أطلبك أنت (https://www.chjoy.com/vb/showthread.php?t=1160020)

أنا جاي أطلبك أنت

يا إلهى يسوع..
الحياة بقت تقيلة أوى..
والمشوار بقى صعب فوق طاقتي..
كل يوم بحس إن الدنيا بتتزاحم عليّ..
ولا حاجة ماشية زي ما كنت عايز..
ولا خطوة حاسس إنها نافعة..
التفكير يا رب بقى بيأكل روحي..
أسئلة كتير..
وخوف أكتر..
وصوت جوايا بيوجعني من كتر ما بيفكر ويحلل ويتوقع الأسوأ..
حاسس إن دماغي مش سايباني أتنفس..

أنا مش جاي أطلب حلول سحرية..
ولا تغير كل الظروف في لحظة..
أنا جاي أطلبك أنت..
اللي وجودك بيهدي الدوشة اللي جوا القلب..
سكت العاصفة اللي جوا راسي..
ولملم شتات نفسي اللي تايه في كل اتجاه..
اديني نعمة أسيب الحمل عندك..
وأصدق إنك ماسك يومي بإيد قوية..

رد: أنا جاي أطلبك أنت

اديني نعمة أسيب الحمل عندك..
وأصدق إنك ماسك يومي بإيد قوية..

أمين
ربنا يفرح قلبك

رد: أنا جاي أطلبك أنت

اديني نعمة أسيب الحمل عندك..
وأصدق إنك ماسك يومي بإيد قوية..

أمين
ربنا يفرح قلبك