منتدى الفرح المسيحى - ربنا واقف جنبك في كل نفس بتاخده بالعافية

https://upload.chjoy.com/uploads/172410310218741.jpg

انت بقى جسمك مستسلم
إيدك بتترعش، ورجليك مش شايلينك،
والنغزات اللي في قلبك بقت شبه إنذار إنك تعبت فوق طاقتك بكتير.
انت ملامحك بهتت
… وروحك دبلت من غير ما حد يلاحظ اللحظة اللي كسره قلبك.
الصداع بقى جزء منك، والأيام بتهجم كأنك كبرت قبل أوانك بسنين.
✝️ بس جوه الوجع ده… في صوت هادي
، مش جاي من بره، جاي من حضن الكتاب:
“هأنذا معك وأحفظك”…
صوت بيطبطب على رجليك اللي مش شايلينك ويقولك: “أنا جنبك”
انت لسه صغير… بس الدنيا هاجمتك بدري،
أسرع من قدرتك على إنك تلحق ترتاح.
ولو حد عرف حجم الوجع اللي شايله…
كان هيعرف قد إيه انت واقف لوحدك في مكان محتاج حضن
… مش حرب.
✝️وبييجي صوت تاني،
من نفس الإيد اللي مسكت بولس في عز تعبه :
“يكفيك نعمتي… لأن قوتي في الضعف تكمل.”
كأن ربنا بيقولك:
“أنا شايف رعشة إيدك
… شايف دقّة قلبك اللي بتجري
… شايف تعبك اللي محدش واخد باله منه.
بس أنا مش سايبك. ضعفك
هو سر قوتك ده الباب اللي هدخل منه وأشيلك.”
يمكن العالم شافك لوحدك…
بس السما شايفه إنك ابن واقف وسط حرب مش بتاعته
وربنا واقف جنبك في كل نفس بتاخده بالعافية،
وبيهمس:
“أنا هو… لا تخاف