منتدى الفرح المسيحى - إنت اللي بدأت الحكاية يا رب وكملها على طريقتك الجميلة

أنا واثق يا رب.. إني لو عاوز أطير،
إنت تقدر تفتحلي جناحات من رجاء
.. تطيرني فوق كل خوف وضعف وألم.

إنت قادر يا رب تخلق من العجز معجزة.
. ومن الوجع شهادة.. ومن التراب حياة.
أنا واثق فيك حتى وأنا مش فاهمك.
. وبتعلق فيك حتى لما الوجع يثقل عليّ.
عارف إنك شايفني، وإنك بتجهزني لفرحة
هتنسيني السنين اللي راحت.
أنا واثق إنك هتخليني أعيش اللحظة اللي كنت بحلم بيها،
ومش هتسيبني في نص الطريق.
إنت اللي بدأت الحكاية يا رب
.. وكملها على طريقتك الجميلة.