منتدى الفرح المسيحى - اقفل الباب الموارب

هييجي اليوم اللي فيه قلبك هيكون ناضج كفاية يخليك
تقول لأ لأي باب موارب🚪
لأي علاقة نص نص، لأي صداقة بارده، أو نقاش مالوش قيمة..
فاكرين يوسف..👀
لما اتعرض لإغراءات كتير، اختار يقفل الباب على الخطية وقال:
"كيف أصنع هذا الشر العظيم وأخطئ إلى الله؟" (تكوين ٣٩ : ٩).
قوة القرار الصعب هي اللي رفعت يوسف في الآخر لمكانة أعظم من كل اللي حواليه.
يمكن الطريق مش سهل، بس الروح القدس بيدينا قوة
نقفل كل باب نص نص، ونعيش حقيقتنا زي ما ربنا خلقنا
، بلا خوف ولا تردد.
صدّق إن اليوم ده جاي،
وخليك مستعد تقفل الباب وتكمل في نور الحق💪🏼