منتدى الفرح المسيحى - اوعى تنتقد الكنيسة

اوعى تنتقد الكنيسة…
لأنها مش مجرد مؤسسة،
دي أمك الروحية اللي احتضنتك من أول لحظة،
واللي علمتك الإيمان وفتحتلك باب السماء.
الكنيسة بطقوسها وقديسيها وتعاليمها هي الحضن اللي بنرجع له كل ما الدنيا تتعبنا
، وهي المكان اللي ربنا اختاره ليقدّس حياتنا ويكمّل ضعفنا.
وإوعى تدين الكنيسة على الفيس بوك…
لأن الكلام على العلن بيجرح، وبيشوه، وبيفتن وبيضعف صغار النفوس.
خد بالك كمان ان الآباء دول بشر زيّنا، ليهم ضعفهم
، بس ليهم كمان رسالتهم الصعبة اللي بيشيلوها عن حب.
فلو شفنا غلط منهم … نصلي. لو حسّينا بضعف… نستر.
ولو في حاجة محتاجة تتقال… تتقال في مكانها، بروح الوداعة،
مش في ساحة عامة مليانة أحكام وتعليقات.
خليك واثق ان للكنيسة صاحب قوى وهو المسيح نفسه،
ممكن دول وانظمة ومؤسسات تسقط وتنهار مهما كانت قوتها
لكن ده عمره ما يحصل مع الكنيسة حتى لو كان فيه ضعف فى خدامها
،لان ربنا عمره ما يسمح بذلك وابواب الجحيم لن تقوى عليها ..
خليك فاكر إنك لما تستر، ربنا بيسترك…
ولما تحافظ على سلام الكنيسة، ربنا يحافظ على سلام قلبك.