منتدى الفرح المسيحى - صلي إنك تكون زي المولود أعمى

كلنا عارفين معجزة شفاء المولود أعمى 👀
وعارفين برضه رخامة الفريسيين
اللي ما سكتوش عن الشفاء يوم السبت
، وقعدوا يسألوه كتير عن مين اللي شفاه وازاي اتشفى.

بس مش بناخد بالنا أوي من رد المولود أعمى عليهم
اللي مليان شجاعة ومنطق؛ لما قالوله: "أنت تلميذ ذاك
، وأما نحن فإننا تلاميذ موسى
. نحن نعلم أن موسى كلمه الله، وأما هذا فما نعلم من أين هو".
وهو رد عليهم وواجههم بالمنطق وقال: "إن في هذا عجبًا! 😅
أنتم بتقولوا إنكم ما تعرفوش ده من فين،
لكن إحنا عارفين إن اللي يقدر يعمل معجزة زي دي
- اللي ما سمعناش زيها خالص - أكيد حد من الله
، لأن الله مش بيسمع للخطاة".

وعايزين ناخد بالنا برضه من إنه زي ما كان واقف قدام الفريسيين
زي الأسد، قدام الرب يسوع كان مليان خضوع له وإيمان به ❤️
لما يسوع قاله: "أتؤمن بابن الله؟"، فقاله: "من هو يا سيد لاؤمن به؟"
ويسوع رد عليه وقال: "قد رأيته، والذي يتكلم معك هو هو!".
فقاله: "أومن يا سيد!" .. وسجد له ❤️

صلي إنك تكون زي المولود أعمى
، بتقف قدام الناس مهما كانوا وبتقول الحق بشجاعة
.. وتيجي عند رجلين يسوع وتسلّم وتخضع زي الطفل ❤️
من_قلب_القصة