منتدى الفرح المسيحى

وقفت قدّام ربنا وسألته:
ليه أنا؟
إشمعنى أنا اللي بعدّي في الوقت الصعب ده؟
كنت مستنية إجابة تغيّر كل حاجة..
ولقيت الرد جوايّ:
"ثقي فيّ."✨️

سمعت الكلمة…
بس ماعرفتش أعيشها.
وفضلت برضه حيرانه وعندي أسئلة كتيرة
، لأن حياتي اليومية، والتحديات كانوا حاجه تاني خالص🤦‍♀️

لحد ما وقفت عند قصة حنّة.
القصة اللي فاتت عليّ كتير قبل كده..👀
وشوفت إن التغيير مش في الظروف…
التغيير كان جواها هي.
خرجت بثقة ثابتة بعد صلاتها في الهيكل،
مش لأن المشكلة اتحلّت،
لكن لأنها حطّت قلبها كله قدّام الله👌🙏

ساعتها فهمت.
الموضوع مش متوقف عليّ، وعلى فظاعة التحديات.
لكن متوقف على حضوره في حياتي ومدى ثقتي فيه .....🙏

ومن وقتها قررت أمشي معاه رحلة الثقة دي خطوة…
ورا خطوة وتكبر يوم بعد يوم💜