منتدى الفرح المسيحى - اديني معجزة صباحية يا رب

اديني معجزة صباحية يا رب..
مش لازم تكون خارقة للمنطق، يكفيني لمسة تغير المود،
تبخر الحزن، وتخليني أبتسم من غير سبب واضح.
. معجزة بسيطة.. بس فيها حضورك.

خليني أصحى الصبح أحس إن في طاقة جديدة نازلة من السما
، تمسح تعب الأيام اللي فاتت، وتملاني رجاء..
خلي اليوم ده يبقى بداية لحاجة حلوة مش كنت متوقعها.

اديني فرحة مفاجئة، وكلمة تشجعني
، وطريق يتفتح قدامي وأنا كنت فاكر إنه اتقفل خلاص.
معجزة صغيرة كده.. بس من إيدك.. كفاية تنور اليوم كله.