منتدى الفرح المسيحى - لو اتمسكت بالله هو برضه هيتمسك بيك ♥️

بتعرف تتمسك بمبادئك وأمانتك وسط الجامعة
والمجتمع اللي بقى موجود حوالينا؟
تعالى احكيلك قصة شوية شباب عندهم تحدي شبه ده.
كان فيه زمان ملك اسمه نبوخذنصر بنى تمثال من دهب،
وأمر كل المملكة إن لما يسمعوا صوت عزف
يسجدوا للتمثال، بس كان فيه تلت شباب ما كانوش بيعملوا كده! 👀
رغم إنهم ما كانوش في بلدهم ومُسبَيين
لكن فضلوا متمسكين بالله
، ورغم إن الملك حكم عليهم إنهم يدخلوا الأتون
، بس زي ما هما كانوا متمسكين بالله
فالله برضه كان متمسك بيهم، وكان معاهم جوه الأتون
وما حصلهمش حاجة! 😍
علشان تنتهي القصة بشهادة من الملك إن الله هو الإله الحقيقي.
يمكن تحدي صعب إننا نحافظ على مبادئنا وتعليمنا،
لكن خليك متأكد إنك لو اتمسكت بالله هو برضه هيتمسك بيك ♥️