منتدى الفرح المسيحى - خد الطلب ده وحطه في حضن ربنا

ساعات ناس تيجي تقولك بكل بساطة: “صليلي”..
يمكن أنت مش واخد بالك من حجم الجملة قد إيه كبير..
يمكن تفتكرها مجرد طلب مجاملة أو كلام بيتقال وخلاص.
. بس اللي قدامك ده ممكن يكون مكسور ومحتاج طوق نجاة.
. محتاج كلمة حقيقية توصل لربنا بدل ما ينهار..

علشان كده لما حد يقولك “صليلي”
ما تكتفيش بكلمة “حاضر”..
ما تسيبهاش على لسانك بس..
خد الطلب ده وحطه في حضن ربنا..
حتى لو بدعوة صغيرة في قلبك،
حتى لو بكلمة واحدة وأنت ماشي.
. صدقني صلاتك ممكن تكون النقطة اللي ربنا يستخدمها
علشان يفتح باب أو يشيل غُمة أو يدي شفاء..

ما تستهينش أبداً بدورك.
. الدعوة اللي أنت ممكن تشوفها بسيطة
ممكن تكون عند ربنا عظيمة..
يمكن في السماء هي اللي هتغير حياة..
يمكن هي اللي هترد الروح لشخص خلاص
كان بيقع. صلّيله بجد.. لأن صلاتك هتفرق.