منتدى الفرح المسيحى - هو اللي بيحوّل الدرس المؤلم لقوة

ساعات الواحد بيقف قدام الأسئلة دي وهو مش قادر يلاقي إجابة..
هل يا رب هتخلقلي بديل زي ما عملت قبل كده؟
ولا المرة دي هتسيبها ومافيش تعويض؟
هل دي فرصة ضاعت خلاص ولا درس هيفضل وجع في قلبي سنين؟
اللحظات دي بتبقى أصعب حاجة.. لأنك مش بس بتفقد حاجة،
أنت كمان بتفقد إحساسك باليقين. بس وسط كل ده..
في حقيقة واحدة هي اللي بتطمن قلبي كل مرة:
إن ربنا هو خالق الفرص حتى من قلب الخسارة،
وصانع البدائل حتى لما الطريق يبدو مسدود.
هو اللي بيحوّل الدرس المؤلم لقوة، والوجع العميق لعطية،
والفقد الشديد لتعويض أكبر. يمكن أنا مش شايف ده دلوقتي
، يمكن الأسئلة أكبر مني..
لكني عارف إن اللي خلق الأول يقدر يخلق التاني
.. وإن اللي فتح زمان يقدر يفتح تاني.