منتدى الفرح المسيحى - سيبه يبنيك على مقاسه هو مش على مقاسك إنت

فيه مشاكل بتيجي فجأة كأنها زلزال..
تخلّي كل اللي بنيته جوّاك يتهدّ في لحظة..
تحس إنك مش فاهم اللي بيحصل وإنك فقدت توازنك.
. لكن اللي ماتعرفوش إن ربنا مش بيسيبك وسط الركام.
. هو بيجمعك من تاني حتة حتة.. بيعيد بناءك مش زي الأول
، لكن أقوى وأعمق وأصلب من اللي كنت عليه.
الوجع اللي كسر حاجات جواك هيكون هو نفسه
سبب في إن ربنا يشكّل فيك شخصية جديدة ماكنتش تتصور إنها تطلع منك.
. لأن ربنا مش بس بيرمّم، هو بيخلق جديد.
. بيزرع فيك سلام وسط الفوضى وقوة وسط الضعف.
اللي بيهدمك في ثانية ممكن يكون هو البداية لمعجزة ربنا في حياتك.
. بس سيبه يبنيك على مقاسه هو مش على مقاسك إنت..
ساعتها هتشوف إزاي الخسارة كانت بداية المكسب.