منتدى الفرح المسيحى - كنت أتمنى ترجع بدل ما تمشي💜🙏

ان داود في عز مجده، ملك ناجح، وربنا مسانده..
لكن في وسط كل ده، كان فيه حاجة صعبة بتحصل جوه بيته!!
ابنه أبشالوم، بدأ يتغيّر والغيرة دخلت قلبه..
وقف على باب المدينة، يسمع شكاوى الناس، ويقول لهم:
"لو كنت أنا اللي في ايدي الحكم، كنت حكمت بالعدل!"👀
بهدوء بدأ يسرق قلوب الشعب من أبوه، لحد ما انقلب الابن على الأب..
داود اللي قاتل جليات، اللي انتصر في حروب كتير،
يضطر يهرب من ابنه! تخيلوا!!
وفي هروبه، كان بيبكي وهو ماشي حافي، رأسه متغطية، والناس اللي معاه بتبكي.🤦‍♀️
مش عشان خسر العرش، لكن عشان خسر ابنه..
وانتهت القصة بموت أبشالوم، اللي اتعلّق من شعره في شجرة.
وجنود داود قتلوه..
ولما الخبر وصله… انهار.
صرخ وقال ياريتني مُت أنا مكانك!!
قلبه ماعرفش يكره، رغم الخيانة والغدر...👥
لو دا قلب داود، قلب ربنا شكله ايه..
اللي بنغلط في حقه، ونتمرّد عليه،
بس هو لسه بيقول:
يا ابني… يا بنتي…
كنت أتمنى ترجع بدل ما تمشي💜🙏