منتدى الفرح المسيحى - الإيمان مش إنك ماتقعش

المرنّم اللي كتب الآية دي ماكانش عايش أيام سهلة…
كان شايف الناس اللي حواليه بتنجح، وبيسأل نفسه:
طب وأنا؟ ليه مش بيحصلي زيهم!!
بس لما دخل محضر الله، الصورة كلها اتغيرت..
أَمَّا أَنَا فَالاقْتِرَابُ إِلَى اللهِ حَسَنٌ لِي.
جَعَلْتُ بِالسَّيِّدِ الرَّبِّ مَلْجَإِي، لأُخْبِرَ بِكُلِّ صَنَائِعِكَ. (المزامير ٧٣: ٢٨)
القُرب من ربنا مش دايمًا معناه إن الطريق سهل...
لكن معناه إنه في مكان أمان..
في مكان بيتلم فيه الوجع،
وبيتحوّل فيه الخوف لسلام،✨️
وبيفكّرك إنك مش محتاج تكون قوي طول الوقت.
الإيمان مش إنك ماتقعش،
لكن إنك تعرف ترجع وتستخبى في حضنه في كل مرة تفع فيها!!
صلّي النهارده وقوله:
يا رب، لما أتعب أو أتوه،
فكرني إن دايمًا ثابت فيك إنت وليّ ملجأ في حماك ..💜