منتدى الفرح المسيحى - ربنا ماامتحنش إبراهيم علشان يوقعه

يوم، ربنا نادى إبراهيم…
مش علشان يباركه، ولا يديه وعد جديد،
لكن علشان يمتحنه.
وقال له:
"خُذِ ٱبْنَكَ وَحِيدَكَ ٱلَّذِي تُحِبُّهُ، إِسْحَاقَ…"
(تكوين ٢٢: ٢)
اللي بيوجع في الآية دي مش الطلب نفسه،
لكن إن ربنا قالها وهو عارف كل حاجة🤦‍♀️
عارف إن إسحاق هو ابن اللي جه بعد شوق،
هو الحلم اللي اتولد بعد سنيين انتظار،
هو الوحيد، وهو اللي بتحبه، ومع كده… طلبه!!
مش لأن قلب ربنا قاسي،
لكن لأنه عايز ياخد إبراهيم لأعمق من العطية نفسها،
لإيمانه في فيه..
ربنا ماامتحنش إبراهيم علشان يوقعه
، امتحنه علشان يعلن جواه إيمان مايتزعزعش.
إيمان بيقول: حتى لو لأخر لحظة، هكمّل أصدّق✨️
يمكن ربنا بيختبرك في حاجة قريبة لقلبك…
بيطلب منك تسلّمها له، مش علشان ياخدها منك،
لكن علشان يرجّعها ليك بشكل أقدس وأغنى.