منتدى الفرح المسيحى - العشق المفقوع

http://upload.konozalsamaa.com/do.php?img=15984

تقعد تتفرج علي "فاطمة"
وتعاكس في الواد التركي
فببصلها بطرف عنيا
الاقيها بتتشحتف تبكي
فبحط إيديا علي كتافها
الاقيها مركزة مع "فاطمة"
ألعب بصوابعي ف ضفيرتها
تشخط فيا وتروح شاتمة
اسألها :في إيه مالك .؟ قوللي
الاقيها تقولي ; الواد سابها !
فبقولها :وحشاني بشدة
تسكت وبترفعلي حاجبها !
اندهلها..الاقيها تنفض
ازهق منها واقوم واسيبها
وبتفضل قدام الشاشة
سايباني وحاضنة ف "دباديبها"
طب روح يا (كريم) يخرب بيتك
خليتها تكبر لحبيبها:D
واستني شوية واقول جاية
متجيش..القي مرارتي اتفقعت
اندلها..فترد عليا
( الحلقة الألف خلاص بدأت)
واسمعها تبرطم مع روحها
بتقول / يا كريم جامد جدآآآآآآآآآآآآآآآآآآ
اسألها / بتندهي يا حياتي؟
تكتم ضحكة وتقول / ابدآ
اسكت واستحمل واعدي
وبقضي الليل برضه لوحدي
وبقوم فجاة من النوم مفزوع
الاقيها مع (العشق الممنوع)
اسألها / في ايه عاجبك فيهم؟
فتقوللي/ جمالهم..رقتهم..وحاجات مقدرش احكي عليها
اتنحنح وامسكلها وردة..تخطفها بسرعة وترميها
اكتب فيها قصيدة رومانتك..فتنام وانا قاعد بلقيها !
اتنرفز واتعصب لما..بتجنن أهلي يا خلق يا هوووووووه
واقولها ارسمي بقي (كيمو)..علي ايدك يا اختي كمان تاتوه
تفطس م الضحك..وتندهلي/ علي فكرة يا بيبي i love u
اعمل مقموص ..تيجي لعندي
وتقوللي يا روحي خلاص .... امووووووووووووووووووووووووووووه

للشاعر المبدع مينا مجدى