منتدى الفرح المسيحى - يسوع المُجدِّد ✨

يسوع مُجدِّد، مش بس للتعاليم… لكن للقلوب ❤️
جدد فكرة الرحمة بدل القانون، جدد فكرة القرب من الله بدل الخوف منه
، جدد علاقة الإنسان بنفسه، خلى الضعف مش عار،
والدموع مش فشل، والجرح مش نهاية✨.
بيسوع اتجدّدت حياة زكّا.
كان غني، لكنه مرفوض… كان بيلم الضرائب ويظلم الناس
لكن يسوع قال له:
"ٱنْزِلْ سَرِيعًا، لِأَنَّهُ يَنْبَغِي أَنْ أَمْكُثَ ٱلْيَوْمَ فِي بَيْتِكَ." (لوقا 19: 5)
وزكّا اتغيّر في لحظة،
رجّع الفلوس، وقال: "أُعطي نصف أموالي للمساكين." 👐❤️
لأن قلبه اتجدد… بالمحبة ✝️.
يسوع ما كانش ثائر على العالم بالعنف، كان مُجدِّد للروح بالحق والحب ✨🕊️.
"سَمِعتُم أنه قِيل... أَمَّا أَنَا فَأَقُولُ لَكُمْ..."
بهذه العبارة قلب المفاهيم القديمة، مش بالعنف، بل بالحكمة والحب❤️.
رسالتنا ليك النهارده:
فيه يسوع بيجدد جوه كل حد فينا.
لو شايف نفسك مكسور، منبوذ، أو خاطئ زي زكّا…
يسوع مش هيبعد،ده هيقرب وهيجددك🕊️.