منتدى الفرح المسيحى - املاني بالصبر الممزوج بالايمان

دايمًا بيقولوا: "يا صبر أيوب!" 💁‍♂️
بس عمرهم ما قالوا: "يا صبر إبراهيم!" 👨‍🦳
الصبر مش دايمًا مرتبط بكم الألم أو الفقد والمرض..
لكن لما بفكر في حياة إبراهيم بشوفه راجل صبور..
صبره مش قلة حيلة، لكن كان مرتبط بإيمانه بوعد الرب ليه لما قاله:
اُخْرُجْ مِنْ أَرْضِكَ وَمِنْ عَشِيرَتِكَ، إِلَى الأَرْضِ الَّتِي أُرِيكَ..

وبرغم إن مكانش فيه أي علامات تطمّنه،
ولا مؤشرات تخليه يصبر، كل الظروف كانت تقلق وتخوّف..👀
لكن نلاقي كاتب رسالة العبرانين
بيشهد عن طاعته اللي مسنود بيها طول رحلة غربته ويقول:
بِالإِيمَانِ أَبْرَاهِيمُ لَمَّا دُعِيَ أَطَاعَ، فَخَرَجَ وَهُوَ لاَ يَعْلَمُ إِلَى أَيْنَ يَأْتِي..

يارب،
باصلي تملاني بالصبر، بس مش المجبور عليه…
لكن الصبر اللي ممزوج بالإيمان والثقة والطاعة ليك.💜🙏