منتدى الفرح المسيحى - صلاحه بيترجم لخير جاي في وقتي اللي جاي

القلق ساعات بيخلي العين مش شايفة غير ضباب.
. والخوف يخلينا نتخيل أسوأ السيناريوهات اللي لسه ماحصلتش.
. لكن مجرد ما أفتكر إن مستقبلي مش مربوط بضعفي ولا بقراراتي بس..
لكن بين إيدين ربنا اللي ماسك الزمن كله.. بيهدأ القلب وتهدى الروح..
الضمان الحقيقي مش في اللي أنا بخططله..
ولا في اللي بحاول أسيطر عليه
.. لكن في إن إلهي عارف بكرة أكتر مني.
. وعامل حساب لكل دمعة وكل خطوة..
لما أسلم له قلقي.. بلاقي السلام بيرجعلي..
ولما أصدّق إنه بيقود حياتي.. بلاقي نفسي بعيش يومي مرتاح
من غير ما أحمل هم اللي جاي..
أنا مش محتاج أعرف كل التفاصيل.. كفاية إني أعرف إن إلهي صالح..
وصلاحه ده بيترجم لخير جاي في وقتي اللي جاي..